Көрісу күні құтты болсын! 14 наурыз – халқымыздың бірлігін нығайтатын дәстүрлі мереке Көрісу күні. Бұл күні адамдар бір-біріне амандасып, ақ тілек айтып, үлкенге құрмет, кішіге ізет көрсетеді.
Осы атаулы күнге орай мектебімізде арнайы іс-шаралар жоспары аясында “Көрісу – құндылыққа құрмет” атты акция ұйымдастырылды. Акция барысында оқушылар мен ұстаздар бір-бірімен көрісіп, жылы лебіздерімен бөлісіп, ұлттық дәстүрді дәріптеді.
Мұндай шаралар жас ұрпақтың бойында ізгілік, мейірімділік пен сыйластық сезімдерін қалыптастыруға ықпал етеді.
Баршаңызды Көрісу күнімен құттықтай отырып, әр шаңыраққа амандық, құт-береке тілейміз!
